KEU BPKS BACUT CALITRA

Oleh: Hasbi Yusuf

Mulai dibangun sekitar dua dasawarsa,
Ka padum gó gantöè keupala ?
Padum dróe treuk akan tamóng penjara ?
Lé that anggaran yang kabèh ta beulanja,
Peú hasil yang ka leumah nyata,
Bak ta kalón chit sang hana daya,
Selama Belawan mantóng berjaya,
Hanna peú tapréh cicak meujak 'uet buya,
Buet yang h'an mungkén bek that tahila,
Anggaran habéh that sia-sia,
Peúlöm saat nyó teungóh trôn bala,
Geutanyöè mandum sedang menghadapi Corona,

Teuma jinöé Sabang ka jeuôh bida,
Leubéh meusaneut peumaju pariwisata,
pakriban cara turis beutrôh langsông keunan ji teuka,
Bek lé mesti via bandara Soekarno-Hatta,

Tugas pemerintah benahi bandara,
Beujeuét jitrôn pesawat yang raya-raya,
Lheúh nibaknya tugas walikota,
Peu udép UMKM dan seni budaya,
Setiap turis beuna peú geubeulanja,
Barang oleh-oleh keù bukti kalheú jak berwisata,
Lôn harap rakyat bék lambông that cita-cita,
Pelabuhan bebas phét that bak tapeugisa,

Bak kali nyöè rencana meujak gantöè löm keupala,
Tapi aneh barô tahap phôn chit ka gura,
Na sidröè calön yang that geu damba,
Menarik diri pada tahap pertama,
Cuma yang laèn peuè seubab teuma,
Pakón meu sidröè lulus pih hana,

Namun hana penjelasan secara terbuka,
Geutanyöè rakyat beulè ta saba,
Kadang hana sép nilai patokan dan kriteria,
Umpama kaméng meujak 'uet naga,
Teuma lawet nyoë natrôh chit haba,

Alèh pih beutôi, aleh pih hana,
Sang kana laén calôn yang bersedia,
Bek dilè tarawi, tatakôt nyan cuma haba kra,
Meunan keuh tamsé peumaméh haba,
'Oh nöe keuh dileë kabéh calitra,

Lôn lakeë meu'ah bak mandum syèdara,
Kadang na tutô yang agak gasa,
Tót naleúng tutông rangkilèh,
Haba ka habèh uroë pih ka jula.
                
            
           (hasy-58/28072020